بسم الله الرحمن الرحيم
السلام عليكم ورحمة الله وبركاته
- هدا واحد الصومالي بغا يعيق علا صاحبتو في msn و هوا يدير partie manger
-واحد البنت سولات الاستادة ديال العلوم الطبيعية.. واش للي عندها 20 عام يمكن تولد.. قالت ليها. ايه.. قالت ليها وللي عندها 15 عام.. قالت ليها صعيييب... نقز واحد الدري من وراها قال ليها.. ياك قلت لك متخافيش
واحد مشا عند شوافة قا ل ليها بغيت تشوفي ليا واش نقدر نعيش 40 عام.. قالت ليه واش كتكمي..قال لا..واش كتشرب... لا... واش كتبع دريات... لا... قالت وعلاش بغي تعيش 40 عام
استاد ديما يسول دراري .. باش تعشيتو.. دري ديما كيجاوبو بالحريرة .. واحد نهار قال ليه الا قلتي حريرة مرا خرا نعصي ولدي... دري قالها لباه.. باه قال ليه مني يسولك رد عليه بالدجاج ... الغد استاد سول الدري.. الدري قال ليه بالدجاج... سولو شحال من واحدة.. قال ليه جوج زلافات
دري بغا يمشي من طنجة عايم حيت غير 14 كلم... ضرب 7 كلم...عيا هوا يرجع
شلح شرا خبزة..شفرها ليه شمكار تبعو... مني شاف انو مشا عليه.. قال ليه سير صدقة ورحمة الوالدين
استاد بغا يدير فرض لدراري على غفلة..قال ليهم عندكم غدا فرض على غفلة
واحد قال لمو بغيت تزوج بوحدة بيضاء وطويلة وخدامة.. قالت خد لك حسن ثلاجة
شلح حاط فالمحل قدام لاكيس مرايا...باش مني يهز لفلوس يتأكد انو هو مشي واحد أخر
جوج كيتكيفو قدام مرايا.. واحد قال لصاحبو شوف وحدين مقابلين معانا .. صاحبو ناض وقال ليه انا هنسولهم....قال ليه غير رجع هواحد منهم جاي
هدا واحد المعلم ديما كينسا السنسلة ديال السروال محلولة. ديما التلاميذ هومة لي كيفكروه.ديما . ديما .واهد النهار كان غادي اجي المفتش. اهو اوصي الدراري. كاليهم ملين اكون المفتش.الا كنت ناسي السنسلة محلولة .كولو لية راه الادارة محلولة .
اوا صافي اسيدي جا المفتش .
ناظ المعلم لسبورة.باش ابدا اقري الدراري قدام المفتش .
اهما الدرادي بداو كيقولو :استاذ. استاذ
اهو اقولهم اشنو ياك ما الادارة محلولة .
اهما اقولو ليه لا راه المدير خارج
هدا واحد البركاني خدا الدكتوراة في علم الحيوان ولكن الأساتذة دياولو متيقوش أو هما يقولوليه ديرلينا شي تجربة ... البركاني جاب واحد القطة منين كيصفق عليها كتجي عندو أو هو يقطعليها الرجل الأولى منين صفق عليها جات هو يقطعليها الرجل الثانية منين صفق عليها جات هو يقطعليها الرجل الثالثة منين صفق عليها جات هو يقطعليها الرجل الرابعة منين صفق عليها ما جاتش أو هو يقوليهم نستنتج أننا عندما نقطع للقطة أرجلها الأربعة تفقد حاسة السمع
ههههههههههههههههه
واحد معكازبزااف ... قال لصاحبو : دبرت على خدمة. قال له مبروك فين ؟؟ قالو فمطبعه...كانكلس فوق الوراق باش مايطيروش
هدا واحد البخيل فاق في صباح بكري ومشا يحل الحانوت ملي حلو لقاه مسروق وهو يسدو ورجع نعس وغطى راسو بالمانطا أو قال الله إخرج هاد الحلمة على خي
عروبي شرا بورطابل.. دارو فجيبو.. واحد الوقت بدا يفيبري... لاحو.. قال ولد الحرام باعو ليا حي ..
قال ليك هذا وحد الاستاذ قال لتلاميذ ديالو : لي سولتو اوماجوبش يعطني 50درهم ولي سولني اوماجوبتش نعطيه 100درهم اوهو ينوض واحد الكسول قليه شنهيا الحشرة لي عندها 9999999رجل???) بدا كيفكر اهوا يقول ليه معرفتش هاك 100درهم , قول ليا انت شناهيا ?? اوهوا يجاوب الكسول : تاانا معرفتش هاك 50درهم
واحد تابع وحدة بطوموبيل ديالو طلعات ليه لقاها خايبة .قال ليها اش سميتك قالت ليه غزلان. قال ليها زيدي جهلي فيا
هدا راجل شرا حولي قبل من لعيد بعام ولفو عليه مالين دار. مني قرب العيد مشا لحولي عند الراجل فال ليه بابا امتا هاتجيت لحولي
قسم كسالى رسمات ليهم استادة ديال الرياضيات مثلت سولاتهم اش ناهوا هدا واحد لكاسول قال ليها درهم حرشا
قواس كاتفرج فماتش . مشا يشرب تسجل هدف بلا مايشوفو مني دارو الاعادة ماتماركاش
قالك شلح (انا شلح ماتكعاوش ) نجح ولدوا شرا ليه بالون قال ليه الا نجحتي لعام جاي نفخها ليك
هادو جوج دريات دوزو لباك واحدا باسات واحدة غولف
معكاز شرا ليه باه محل ديال دجاج باش يجمع راسو... جات عندو واحدة قالت ليه ارا ليا شي دجاجة فيها 2 كيلو ... الدري مكسل.. شاف فدجاج وقال يللاه للي فيها 2 كيلو تنوض
واحد عندو حدبا مشا للتجنيد.. تسحاب هايردوه.. فرحان.. قال لواحد: الشاف انا عندي حدبا فظهري ..قال ليه مزيان نعصرو عليك الليمون
واحدة تصاحبات معا براني .. مشاو لقهوة جا عندهم لجارسون فال ليهم اش بغيتو قال ليه البراني pas encore سول دريا قالت ليه pas encore bien glacé ( وسيري تخباي اش جابك لشي فرونسي )
واحد مشا سكران لدارهم ... مراتو لاحت ليه ساروت.. تلف على الثقبة ديال الباب... غوت عليها قال ليها لحتي الساروت ولوحي الثقبة
فار غادي .. سمع عرس... دخل ليه لقا عرس ديال المشاش... بات لعروسة شدو وقال لجوق: غنيو ليه يازربان على عمرو
شارفا ماتت عمرها ماغسلات شعرها... مني بغاو يغسلوه ليها.. لقا القمل كايصلي صلاة الاستسقاء
واحد كياكل بلا مايقول بسم الله... واحد نهار كال كسكس بالحرور... وهوا يهز مونادا باردا .. وقال للشيطان ودابا شوف باش تبرد ... بسم الله
واحد جوج لحايا معندهم فلوس... تافقوا يركبو طاكسي ومني يحطهم يهربو... مني حطهم هربو.. مول طاكسي تاهوا هرب... تسحاب ليه حطو ليه قنبولة
واحد خارج من دارهم .. كايسب فالملك... لوالدة ديالو تابعاه كاتغوت: وديال سبانيا
واحد كايلعب بصبعو فنيفو ... واحد لوقت قال شكون للي طفا ضو (قاس سي حاجة )
واحد طلاب طلع لطوبيس كايطلب مبغا حد يعطيه.. واحد الراجل عيط عليه عطاه شي حجا...طلاب قال ليه الله يجعلك من الدين امنو... مني شاف لقا ريال.. زاد قال ليه ثم كفروا
واحد هايدوز بيرمي.... مشا عند مول لحانوت قال ليه عندك ضوصي جديد.. مول لحانوت قال ليه ختك يلاه هزها واحد بطوموبيل ( brgag)
واحد غادي معا صاحبتو.. شرا ليها بولو... واحد لوقت دازو من درب خاوي.. قالت ليه حنا بوحدنا دابا غتانم لفرصة... هوا يخطف ليها بولو وهرب
جوج مهابيل كايتخاطرو علا مشا... واش دكر ولا لا... داز واحد لمحشش سولوه .. هوا يقول ليهم نضربوها بحجرة .. الا تصب راه مش الا تصبات راها مشا
واحد بدلو ليه القلب بقلب ديال بلاستيك... واحد لوقت تزعط فبانيو
واحد حول متزوج بوحدا بحالو... قال ليها مني تشوفيني جاي بوحدي ماتحطي والو غير تشوحي معايا راجل حطي طعام... مراتو شافتو من بعد جاي بانو ليها 2 حيت حولة... حطات طعام... دخل بدا ياكل معاها واحد لوقت قال ليها بشوية كون ماكنتي بوحدك كون سلخت يماك .
واحد بنادم "فشي شكل" بغا يتوب دار لحجاب
واحدا قالت لراجلها نصوب لك مصمن ولا بعرير.. قال ليها صوبي فمك هوا الاول
واحد عزي لابس لكحل وراكب مرسيدس بيضا وقف علا وحدة قال ليها كيجيتك...قالت ليه كيكوكا فالثلاجة
وحدة قالت لصاحبها قول ليا شي حاجة حلوة.. قال ليها سكر... قالت ليه للللا شي حاجة تجمعنا انا وياك ... قال ليها صطافيط
واحد مشا مع دريا لسينما بالعلم ديال مها... مني بدا لفيلم طفا الضو... دريا كتبكي.. قال ليها مالك.. قالت ليه قالت ليا ماما سيري ومتباتيش
واحد كيكتب نقز السطر.. هوا يتهرس
شلح سول ولدو ..بشحال شريتي هاد لكويرة..قال ليه 1 300.... بدا يشوف فيه وقال ليه والمعزة .
واحد شرا صباط كبير عليه.. هوا يحتارموا
جوج شلوح مسافرين فالكار .. واحد منعسش قال ليه صلحبو مالك منعستي.. قال ليه واحد سلفتو 10 دراهم مجاني نعاس ... قال ليه هاد 10 دراهم باش تقدر تنعس..من بعد ساعة فيقو قال ليه ايوا رد ليا دابا 10 دراهم باش نعس تانا
ربعة ديال جبالا غاديين خرجو ليهم 2 شفارا... جبلي قال لصحابو ناري هيقتلونا.. قالو ليه علاش.. قال ليهم هما جوج وحنا بوحدنا
واحد راسو كبير ديما واحد لبرهوش كايقول ليه ناري كون كنتي ملك... ديما .. واحد نهار شدو قال ليه اش هايطرا كون كنت ملك.. قال ليه الدرهم هاتكون قد الصينية
واحد بغا يدور لحريرة ... داها لمدينة
واحد حل لبلاكار.. لقا حوايجو معلقين.. هوا يتبعهم
لحناش تابعين شي حشاشين . خسرات ليهم صطافيط.. ركبو طموبيل ديال كنور.. شدوا واحد حشايشي.. بدا كايضحاااااااك.. قالو ليه مال جدك كضحك.. قال ليهم شفت كنور بالدجاج بالحوت غير عمرني ماشفتو بالحناش
حشايشي تابعنو لحناش .. كيدخل ليهم من دروبا مشدوهش.. واحد لوقت شافوه راجع قال ليهم دراري انا عييت ليوم تاغدا ونكملو
واحد حشايشي شاف باه فالزنقة.. باه جا عندو قال ليه ماك مشفتنيش.. قال ليه شفتك غير معرفت فين
هدا واحد مراكشي بغا يعيق على صاحبتو قال ليها: مربي فاسي فالسطح
واحد صاط شابع عياقة. مشا يدوز امتحان فالفرنسية سولوه اش ناهو الحديد بالفرنسية قال ليهم musculation
واحد كتب ليه طبيب دوا .. قال ليه شربو ورا القهوة.. صاحبنا مشا لورا واحد القهوة فالدرب شربها
اشناهو الفرق بين بوش والتران....التران كايحبس مني كايخرج من السكة
الاستاد لدري اش كتحلم دير... الدري: كنحلم نشد 10000 درهم فالشهر بحال الوالد... الاستاد :علاش باك كايشدهم... الدري: لا تاهوا غير كايحلم
معلم طلب انتقال صفطوه لبير جديد... من بعد 5 سنين صيفطون لبير انزران.. من بعد صيفطوه لبير اللفت.. طلع ليه الدم كتب لوزير قال ليه واش انا معلم اولا سطل
دري كايبغي درية سميتها نزهة... مشا عند باها قال ليه عمي بغيت نزهة ....قال ليه زها على مك
جحش كبر مشا كيجري عند مو قال ليها ماما وليت حمار.. قالت ليه مالك كنتي مهندس
واحد مشا عند طبيب قال ليه فيا لحناش فكرشي... الطبيب محشش قال ليه كتب فيها الامن الوطني
واحد أول مرا شاف مسكا ... بدا ينضغ فيها.. حلف ماينعس تايكملها
واحد كايقولوا ليه الحاج شلاظة .كعا من السمية.. مشا هاجر شي 30 عام باش انساو... رجع هوا يشوفوا واحد صاحبو قديييم.. قال ليه واش نتا هوا الحاج بصلة اولا مطيشة... الحاج قال ليه تخلطها نخلط مك .
واحدة شدوها شفارة قالو ليها عطينا تلفون ديالك وللا نقتلوك قالت ليهم 071550466 حمار جات عندو صاحبتو لدار .. لقات عندو صورة معلقة ديال حمار وحشي.. قال ليت ديال من هاد الصورة... قال ليها ولد عمي كيلعب فجوفنتوس
واحد سكران وفجيبو فار تاهوا سكران... جاي كيغوت فالدرب.. واحد لمرا طلات عليه قالت ليه هانعيط لمك على لحناش... الفار خرج هوا يقول لها عيطي تاعلا لمشاش
واحدا كتوحم على البابوش .. راجلها نسا ومشا لبار بدار يشرب... واحد لوقت تفكر مشا جاب لبابوش وحطو قدام لباب .. مني حلات ليه قال ليها من صباح ونا معاهم باش يزيدو دغيا
واحد مغربي مشا لاسبانيا .. جاه الجوع مشا لواحد لبسري قال ليه دوس كوميروس دوس طورورس هاهاها ( جوج كوميرات جوج بقرة ضاحكة )
واحد طلع لطوبيس شرا جوج ورقات.. قال ليه للي كيقطع علاش شريتي جوج... قال ليه مني طيح ليا ورقة تكون عندي ورقة .. قال ليه ومني يطيحو ليك بجوج.. قال ليه عندي لكارت ديال الطوبيس
واحد قال لباه عطيني درهم ندور... قال ليه هاك درهم وسير نيشان ..
هادو 3 ديال الناس.امريكي.فرنساوي.مغربي ..وقفوهوم حدا واحد البحر قالو ليهم كل واحد فيكم بغيناه يتخبل لينا هاد البحر عامر بشي حاجة من غير الماء ..
الامريكي: لو كان هاد البحر كلو بترول-نفط- متنظنش اننا مزال غادي نحتاجو للنفط ديال الخليج وايران .
الفرنساوي: لو كان هاد البحر كلو فلوس متنظنش غيبقا شي فقير فهاد العالم .
المغربي: لو كان هاد البحر كلو بيصارة شحال غاتقدو من خبزة .
هذا واحد لعزي وعزية ولدو بيض سماوه مايمكنش
هذا صلع و صلعة ولدو دري عندو زغبة وحدة سماوه لمشعكك( لمغوفل )
كاليك هادا شلح كان راكب ف الطاكسي سول الشيفور ديال واش كاي خلصو على الصيكان كالو الشيفور ديال الطاكسي لا كاليه الشلح : دي الصيكان لدار ها انا غادي نتبعك
كليك هادا واحد الشلح صاحبو مريض ماعرفش اش غادي يجيب ليه . مشا عند مول الخضرة كالو صاحبي مريض اش غادي نجيب ليه كالو مول الخضرة : شري ليه كيلو ديال التفاح . كالو الشلح: ااااااااااااااااااااااااااااااااااااااااااه ماشي مريض حتى لهاد الدرجة
كاليك هاد شلح جاعندو ولدو كالو ارا 100درهم باش ندور معا صحابي كاليه الشلح : علاش غا الدور سير نيشان
هادا واحد معندو زهر بغا يقطع الشارع دربتو
طوموبيل جات لابلانص ملي كانت مشا بيه درباتا
الرموك مات السيد ملي الروح ديالو طلعات درباتا الطيارة
هادا واحد مشى لهولندا، هو ماتيعرفش الهولندية، يالله تايعرف صباح الخير هي الداخ، وصل تماك بالليل وناض الصباح بكري تيدور بوحدو وتيتسنى يدوز شي واحد باش إقول ليه الداخ، شوية دازت واحد النصرانية وسبقاتوا قالت لو الداخ معرفش باش إجاوبها وقاليها دردلاخ
هدا واحد شفار دخل باش ايسرق واحد الدار ملي دخل لقا مرا او راجلها كال للمرا شنو سميتك كالت ليه حليمة كال ليها حليمة سميت مي ماغانقيصكش او سول الراجل كاليه سميتي بوعزة او كيعيطو عليا حليمة
هادا واحد تلفت هما يخضرو بيه
هادا واحد سميتو مبارك او جارتو سميتها زهرة مبارك شرا حولي هي تقوليه جارتو مبارك الحولي كال ليها تبارك الله على زهرة البكرة
قال ليك هادي واحد المرأة شارفة جأت من الحج , وهي تخرج في يوم الغد باش تفرق الشريحة و التمر على دراري صغار , المهم ركبات على حمارها و مشات وحد شوية و هو يدوز من حداها واحد القط و قال ليها صباح الخير الحاجة و هي تقفز و قالت هاويلي حتا من المشاش ولاو تيهضرو و هو يقول ليها حمارها هانتي تشوفي ألحاجة
قاليك هادو واحد جوج ذبانات تيتغذاو بواحد الخرية [حشاكم] و وحدة قالت لصاحبتها هاد الخرية باسلة مشي بحال لي كلينا البارح و هي تقول ليها الثانية اسكتي راه كانتغداو
قال ليك هدا واحد سكران طلع الطوبيس و هو يقول السلام عليكم , و حتى واحد مجاوبو , وهو يمشي القدام حدا الشيفور و نعت بيديه وقال ليهم هاد الجهة اليمنى ديال الحمير و اليسرى ديال البغال , و هو ينقز واحد من جهة ديال الحمير و قال ليه خويا أنا راه ماشي حمار و هو يقول ليه السكيري يلاه دوز الجهة ديال البغال
قال ليك هدا العالم كامل قالو سوف نتشارك لصنع أكبر صاروخ في العالم , و هي تبدا المشاركات من كل العالم الصين واليابان اشتركو بالأجهزة المتطورة و التقنية و امريكا ساهمت بالمحركات و اروبا بالمهندسين و دول الخليج ساهموا بالبترول مشتقاته و باقي دول العالم ساهموا باليد العاملة و لم يساهم المغرب بأي شيء المهم العالم بداو في الصناعة ديال هداك الصاروخ حتا سلاوه و هو يبان ليهم واحد المغربي جاي هاز واحد الباليزة طويلة و هوما يقولو ليه صافي سالينا اش جايب معاك و هو يحل الباليزة و جبد وحد الورقة كبيرة و لصقها في الصاروخ مكتوب فيها made in morocoo
قال ليك هدا واحد الفرنسي و أمريكي وعروبي جابو ليهم واحد الثور خانز دخلوه لواحد الغرفة و سدو عليه و قالو ليهم لي نعس حدا هاد الثور نصف ساعة يربح مليون دولار دخل الفرنسي بقا 10 دقائق و هو يجرج ساد نيفو و مقلوب بالرائحة و الامريكي بقا 20 دقيقة و هو يسخف....و غير دخل العروبي و الثور و هو يخرج ساد نيفو و تيقول ليهم ناري هربو العروبي حيد البوتيو ديالو ...
الإثنين مارس 07, 2011 5:49 pm من طرف 
